Xindistonning Matxura shahrida istiqomat qiluvchi Ashish Sharma belgilangan tartibda 120 soat to'xtovsiz 48 ta filmni tomosha qilib, jahon rekordini o'rnatgan. Bundan oldingi rekord nemis ayoli Klaudiy Vafraga tegishli edi, u 117 soat televizor yonidan jilmagan. Ashish ekran oldiga mahalliy vaqt bilan 11 iyun soat 11:08 da o'tirgan va 16 iyun soat 20:12 da 48-filmni ko'rib tugatgan.

«Ginnesning rekordlar kitobi» taxririyati a'zolari Sharmani rasmiy ravishda jahon chempioni, deb e'lon qilish maqsadida uni muntazam kuzatib turishgan. Ularning taklifi bilan har extimolga qarshi Sharmaning oldiga navbati bilan shifokorlar tashrif buyurib turishgan hamda har to'rt soatda u o'zini qanday his qilayotganini kuzatishgan.

Ma'lumki, Matxura shahri Dehli va Agra o'rtasidagi yo'l ustida joylashgan. Bu yerda esa dunyoga mashhur Toj-Maxal maqbarasi qurilgan. Rekordchi aynan mana shu maqbarani tomosha qilish uchun tashrif buyuradigan millionlab sayyohlarni Krishna xudosining nazari tushgan Matxuraga va bu yerda yashovchi kishilarga bo'lgan hurmat-e'tiborini yanada kuchaytirish niyatida shunday mahorat ko'rsatishga qaror qilganini bildirgan.